കൂടുതല്‍ വിവരണം നല്‍കി ചെളമാക്കുന്നില്ല. യാത്രാ വിവരണം എഴുതാന്‍ മാത്രം ഞാന്‍ വളര്‍ന്നിട്ടില്ലെന്നാണ് എല്ലാരും പറയുന്നത്. എന്റെ എഴുത്തിന് പഞ്ചില്ലത്രെ.
മലപ്പുറത്തിന്റെ ഊട്ടി എന്നറിയപ്പെടുന്ന കൊടികുത്തിമല. സമുദ്ര നരപ്പില്‍ നിന്ന് 2000 അടി ഉയരത്തില്‍ സ്ഥിതി ചെയ്യുന്നു. കുളിരേകുന്ന കാലാവസ്ഥയാണെപ്പോഴും. ഭരണ നിര്‍വഹണ ഭാഗമായി ബ്രിട്ടീഷ് സര്‍ക്കാര്‍ ദേശീയ സര്‍വെ നടപ്പാക്കി സ്ഥലങ്ങളുടെ ദിക്കുകള്‍ അറിയാന്‍ കൊടികുത്തുന്ന സമ്പ്രദായം നിലനിന്നിരുന്നു. മലബാറില്‍ നടന്ന സര്‍വെയില്‍ ഏറ്റവും ഉയര്‍ന്ന പ്രദേശം എന്ന നിലക്ക് ബ്രിട്ടീഷ് ഉദ്യോഗസ്ഥര്‍ മലമുകളില്‍ വെളുത്ത കൊടികുത്തി വെച്ചു. അന്ന് മുതലാണ് കൊടികുത്തിമലയെന്ന പേര് വന്നത്.പെരിന്തല്‍മണ്ണയില്‍ നിന്ന് 12 കിലോമീറ്റര്‍ അകലെ താഴേക്കോട് പഞ്ചായത്തിലാണ് കൊടികുത്തിമല. വടക്ക് തെക്കന്‍മലയും, പടിഞ്ഞാറ് മണ്ണാര്‍ മലയും, കിഴക്ക് പാലക്കാട് ജില്ലയുടെ അതിര്‍ത്തി പ്രദേശങ്ങളായ ജനവാസകേന്ദ്രങ്ങളുമാണ്. മലയില്‍ 225 ഏക്കറോളം സ്ഥലം വനം വകുപ്പിന്റെ കൈവശമാണ്.
മലമുകളില്‍ നിന്ന് നോക്കിയാല്‍ കുന്തിപുഴ കാണാം. പടിഞ്ഞാറ് അറബികടല്‍, കിഴക്ക് പശ്ചിമഘട്ട പര്‍വത നിരകള്‍, തെക്ക് കുന്തിപുഴ, ഭാരതപുഴ, നിരന്ന വയലുകളും വടക്ക് ഭാഗം കുന്നുകളും കൃഷിതോട്ടങ്ങളും മലമുകളില്‍ നിന്ന് അല്‍പം മാറി നിന്നാല്‍ മലപ്പുറം, പാലക്കാട് ജില്ലകളിലെ പ്രധാന നഗര കാഴ്ചകളും കാണാനാവും.
വഴി
കോഴിക്കോട് - പാലക്കാട് റൂട്ടില്‍ പെരിന്തല്‍മണ്ണക്കടുത്ത് അമ്മിനിക്കാട് നിന്നും ആറ് കിലോമീറ്റര്‍
.
No comments:
Post a Comment